قوّصه بنصّ دين قلبه لأنّه ما ركع. يا ريته ركع. لأنّه بمَوْتِة خيّي دمّر عيلة.

أوّل مرّة بيمرّ عا لبنان حرب أهليّة، ما كانت حرب مع العدوّ “الإسرائيلي”.

يلّي أنقذنا هوّي السيّد موسى الصدر، كان بالأشرفيّة وقطّع الناس من النبعة للمنطقة الغربيّة.

كانت الخسارة كبيرة. مات كتير من العسكر يللّي قاوموا للنّفَس الأخير.

من دون سابق إنذار، بلّشت قذايف الهاون تنزل متل الشتي هون وهونيك.

قالتلي: يا إمّي ما في أكل. قلتلّا طب حطّيلي خبز وزيتون. قالتلي: ما في خبز.

الإنسان لمّا بيقفد عزيز، لا تفكروا إنُّه بيوم من الإيّام بيقدر ينساه. أبدًا… ما حدا بهالكون بيقدر ينسى أحبابُه اللّي

كنّا نتخبّى متل الفيران بالزوايا، يفوت علينا شظايا عالبيوت، ننطر تا يخلص القصف تا نطلع.

صرنا نطعميهن زوم عدس، مجدرة، من هالمأكولات اللّي تطبخا المرا.

انقصفت المقرّات وانقصف بيت لآل الرفاعي، بعد ما عرفوا إنُّه مقرّ اجتماعات.

من الأحداث اللّي بدّي خبّركنن ياها، نحنا لمّا تهجّرنا، تهجّرنا من دون بطّانيّة ومخدّة وفرشة.

لمّا انصبت شفت الدم، بس ما حسّيت بالإصابة، فكّرت جوزي اللّي نصاب.

لمّا رحت جيب أوّل نقلة من المصابين، شفت بيتي عم يحترق، وفضّلت جيب الجرحى وساعدُن.

الشعب اللبناني شعب متعايش، ولبنان مميّز بحضارته. هوّي بلد اخترع الأبجديّة ونشرها حول العالم.

راح وقتا ضحايا حوالي 375 شخص ببحمدون بس، فاضطرّينا نهرب صوب دير القمر بالشوف.